...ang universe.

Kung anuman ang patutunguhan ng pagtitiwala ko sa'yo, bahala na.  Sabi mo nga, hindi ka masamang tao. Alam ko naman yun, e. Sino ba ang masama para sa kanyang sarili? Siguro nga, patuloy na lang akong magpakasasa sa sayang dulot mo.

Dumating ka sa hindi inaasahang panahon. Habang kasama ko pa siya.  Nang di pa natapos ang pagkurap ko, nawala na pala ang lahat ng mga hinangad ko.  Hindi ko alam kung sasaluhin mo ako gaya ng sinabi mo, pero mananalig na rin ako.  Malay ko. Bukas makalawa, malalaman ko rin.

Bahala na ang universe.

At para sa kanyang iniwan ko, isang awit ng pagluluksa.

Walang Hanggang Paalam
Joey Ayala

Di ba tayo’y narito upang maging malaya
At upang palayain ang iba
Ako’y walang hinihiling
Ika’y tila ganoon din
sadya’y bigyang-laya ang isa’t-isa

Ang pag-ibig natin ay walang hanggang paalam
At habang magkalayo papalapit pa rin ang puso
Kahit na magkahiwalay tayo ay magkasama
Sa magkabilang dulo ng mundo

Ang bawat simula ay siya ring katapusan
May patutunguhan ba ang ating pagsinta
Sa biglang tingin kita’y walang kinabukasan
Subalit di-malupig ang pag-asa

Ang pag-ibig natin ay walang hanggang paalam
At habang magkalayo papalapit pa rin ang puso
Kahit na magkahiwalay tayo ay magkasama
Sa magkabilang dulo ng mundo

Ang pag-ibig natin ay walang hanggang paalam
At habang magkalayo papalapit pa rin ang puso
Kahit na magkahiwalay tayo ay magkasama
Sa magkabilang dulo ng mundo
Sa magkabilang dulo ng mundo